Phalguna ke rango ki mala mey piroi thi humne preet apni,
Kuchh varsh pahle ki tow baat hai jab mai ban kar aayi thi uski Rani,
Mun mey ulhas aur chitta mey harsh bharkar shuru ki thi apne naye jeevan ki khaani,
Jab uski bahon mey khud ko paakar mai svayam hi ho jati thi laja kar pani pani
Unmukta hasi aur komal sparshon se humne praghada kiya hai apna pyar,
Saumyta aur garima se maine jeet liya uske mun ka vishwas,
Aur Uske Sukh dukh ki saathi ban kar, maine basa liya khud ka ghar sansaar,
Komal hriday, nischhal pyar ne uske, mita di mere saat janamon ki pyas
Aaj phir huwa hai Mun vibhor mera, chanchalta se hus kar bhi nahi bharta mun mera,
Kuchh madhur sangeet sunai deta hai jab wah kahta hai “priye mai hoon sirf tumhara”,
Ek hi var maangti hoon, rahe barambar har janam mey saath humara,
Bani rahun mai uski prerna aur wah bana rahe mera sahara
Phalguna ke rango ki bauchhar se hara bhara rahe ghar sansaar humara
Sada rahun mai uski aur wah humara
Raj karun mai uske mun per bankar uski Rani,
Rohit ke antar mun mey basi rahe Jyotsna ki surat pyari, Jyotsna ki surat pyari.
Filed under: India, Poetry Tagged: | Marriage Anniversary
